Coffee林芊妤日前帶埋仔仔「伯伯」一齊去staycation玩，佢仲share同仔仔一齊喺酒店房望住海景浸浴放鬆嘅相，非常識嘆！
不過呢張相惹嚟網友熱議，有部分網友覺得伯伯已經有基本男女意識：「其實真係唔好再同個仔一齊沖涼，距（佢）已經有意識，影響唔好😢」「大個仔了仲同媽咪赤裸相處」，而Coffee嘅粉絲就力撐無問題，覺得張相好溫馨：「我睇到呢張相只係諗到靚景靚媽同埋好溫馨咋喎！點解某啲人會覺得色色嘅呢？父母同孩子之間嘅感情同埋感覺係好pure，如果有邪念嘅唔該去睇吓心理醫生啦！」
Coffee本尊亦覺得張相無問題，澄清會用適當方法教導伯伯正確觀念：「我真係睇唔出同三歲嘅仔浸浴有咩問題😆，我都好想講男&女嘅身體唔一定同性&色畫上等號，呢張相我只係聯想到好lovely❤️Thanks for understanding:)」
Search